Kur pak ditë para fillimit të Kupës së Botës, shtëpia franceze e modës Louis Vuitton, nisi fushatën e saj të re reklamuese, u bë një… rrëmujë pasi Cristiano Ronaldo dhe Lionel Messi u fotografuan duke luajtur një lojë shahu (në lojën e kompanisë, sigurisht).
Ajo foto e Ani Leibovitz bëri bujë me postimin e Cristiano Ronaldos në llogarinë e tij në Instagram duke grumbulluar 41,947,378 pëlqime deri më sot, që ishte performanca më e mirë nga një person sportiv në platformë deri pak orë më parë.
Postimi përkatës i Messit në llogarinë e tij mblodhi 32,237,042, që e vendosi atë në vendin e 5-të, por tani kapiteni i Kombëtares së Argjentinës mban një tjetër rekord.
Postimi i tij pas triumfit të Albiceleste në finalen e Botërorit të futbollit, pas vetëm 17 orësh ka grumbulluar 43,381,554 pëlqime dhe tashmë është në vendin e parë, sa i përket postimeve të personaliteteve nga fusha e sportit.
Një paraqitje e frikshme, e ngjashme me atë që bëri asi i Paris Saint-Germain në Katar, por që kërcënon të thyejë rekordin e postimit më të pëlqyer në historinë e Instagramit në përgjithësi!
Numri magjik është 56,210,159 pëlqime që mori një foto me një… vezë në fillim të 2019-ës!
“Rekordi botëror i vezëve”, siç është titulli i faqes që ka ngarkuar këtë foto, siç shpjegojnë krijuesit e saj në postimin e tyre “është bërë për të thyer rekordin e më shumë pëlqimeve në Instagram që Kylie Jenner ka me 18 milionë”.
Kështu veza e famshme mori tre herë më shumë pëlqime se modelja e njohur-personalitet televiziv, por Lionel Messi po vjen me bujë për të pushtuar edhe këtë majë.